Vietnam den Steenweg
12/03/2024
Autor y pintor Irmgard Frans a presenta su ultimo publicacion na Biblioteca Nacional Aruba, titula ‘Vietnam den Steenweg’. Sra. Frans a duna biblioteca 6 ehemplar pa biblioteca na Playa, na San Nicolas y tambe e Coleccion nacional (Dept. Arubiana).
Durante varios decada Steenweg tabata conoci como ‘Vietnam’. E caya na unda cu tur e rebendedo- y big wheelnan tabata bende nan catochi. Steenweg, den e añanan 1960 y 1970, tabata un ‘centro’ di ilegalidad pa loke ta bendemento di catochi. Aunke cos tabata bay man den man cu turbulencia manera bebemento, bringamento y prostitucion, e tabata wordo tolera. Manera un wega entre pushi cu raton, razzia tabata wordo teni. E potretnan den e buki ta di e edificionan den Steenweg, manera nan tabata ta den e temporada ey.
Sra. Frans ta gusta historia y a documenta e historia di Steenweg pa basta aña pa medio di entrevista cu e personanan cu tabata traha den Steenweg. Sra. Frans a skirbi diferente buki pa mucha y a participa na Festival di Buki pa Mucha diferente biaha.
Scroll To Top
