Un donacion di buki pa mucha di Aruba Bank
02/09/2024
Nos ta felis cu un donacion di buki pa mucha na Papiamento. Aruba Bank a aserca biblioteca cu e gesto pa duna biblioteca mas cu 100 buki. E aña escolar aki mester mas buki na Papiamento pa e muchanan por lesa y fia. Esta, e regalo ta bon bini. E entrega a tuma lugar awe cu Roxanne Croes y Francis Croes di Aruba Bank y bibliotecaria Gina Jie Sam Foek. Aruba Bank ta hopi contento di por a haci e donacion di buki na balor di AWG 5000 na Biblioteca. Aruba Bank ta spera di por inspira otro compania of instancianan pa tambe yuda Biblioteca engrandece su coleccion. Roxanne y Michelle di departamento di mercadeo cu hopi cariño a bay scohe buki pa biblioteca hubenil su coleccion. Den e cargo tambe tin buki pa Young Adults y adulto. Un danki grandi na Aruba Bank!
Nos ta ofrece miembrecia gratis pa baby, mucha y hoben bou 18 aña. Esaki ta habri un mundo di buki, storia y informacion den diferente forma, tambe Ebooks y audiobooks. Miles di buki ta warda nan! Nos ta ofrece espacio pa studia, siña, topa y reuni, computers cu Internet y tambe Free WIFI. Ademas tin espacio pa diferente evento y exposicion. Nos ta habri di dialuna pa diabierna.
Scroll To Top
