Klas 2A di Fatima College ta lesa hopi!
02/07/2024
Fatima College a aserca Mediateca escolar pa yuda stimula mucha pa lesa mas. Docentenan a sigui e comportacion di nan alumnonan, den nan biblioteca escolar, pa e ultimo aña escolar. Esaki pa nan por a conclui cua klas a lesa mas, a comporta su mes bon y cua tawatin mas interes den lesamento y e biblioteca. Por a constata cu esey tabata Klas 2A. Ta pesey Klas 2A a haya un treat di nan docente. Pa celebra esaki Mediateca escolar a pidi Juffrouw Emerita Emerencia pa duna un presentacion special pa nan.
Mediateca escolar a regala cada mucha un buki special titula ‘Virginia e rebelde di Aruba’ (rebel van Aruba). Un buki skirbi pa Jeroen Hoogerwerf y ilustra pa artista visual Vanessa Paulina. Caranan contento so! Na biblioteca nos ta spera cu Klas 2A ta sigui lesa mas y cu nan ta motiva otro klas pa tambe lesa mas.
Scroll To Top
