Danki na QUOTA International of Aruba
26/10/2018
Nos ta gradici Quota International of Aruba pa su donacion y tambe danki na su presidente sra. Laurel Romijn-Pope. Biblioteca Nacional Aruba ta organisa e Festival di Buki pa Mucha tur aña en cooperacion cu instancianan y cu sosten financiero di patrocinadornan. Sin esaki lo no ta posibel pa sigui cada aña cu e promocion di lesamento. E ta un organisacion cu ta pidi hopi creatividad, bon maneho, e aporte di hopi hende cualifica, hopi energia y recurso. Pa logra un exito rotundo, ayudo ta necesario. Hopi ta esnan cu a duna un man y pa BNA ta un honor pa por traha hunto cu e personanan aki, masha danki!
Biblioteca Nacional Aruba ta invita tur mucha y publico en general pa haci bon uso di e bunita coleccion di buki. Biblioteca ta sigui cu e trabou di promocion di lesamento y ta sigui stimula otro instancia cu ta traha riba tereno di lesamento.
QUOTA International of Aruba ta un club di dama di nos comunidad cu ta profesionalnan, ehecutivo y doñonan di nan propio negoshi. Hunto nan ta traha ariba proyectonan pa asisti otro instancianan deni nos comunidad y asina logra haci bida di nos conciudadanonan mas mihor.
Riba potret presidente di Quota, sra. Laurel Romijn-Pope y Vanessa Paulina
Scroll To Top
