Crisen Schorea ta bolbe despues di 5 aña
16/10/2023
Un grupo grandi di autor di buki pa mucha y ilustrador ta duna contenido na e Festival di Buki pa Mucha 2023. Nan ta bishita scolnan rond Aruba den prome siman di november 2023. Tema di e edicion aki ta ‘Mi buki, mi cas’. Biblioteca a invita autor di Hulanda, Corsou y Boneiro, Colombia y St Eustatius y e grupo mas grandi ta nos talentonan local. Biblioteca a invita Crisen Schorea di Corsou. Crisen a participa na e festival na 2018.
Crisèn Schorea (1975), di profesion sociologo, ta di curason un escritor, cantante, actriz, un humilde y ferviente admirador di arte, specialmente arte escenico. Crisen su prome buki di poema ta ‘Sinti mi Sinti’. Crisèn a participa na diferente proyecto literario. Esaki ta e di dos biaha cu Crisen ta participa na Festival di Buki pa mucha na Aruba. E prome biaha Crisen a gusta masha hopi mes ta pesey e ta bolbe. E ta purba un biaha mas pa stimula muchanan pa lesa hopi mas. Crisen ta bishita scol pa conta storia, papia tocante buki cu mucha y tambe pa stimula mucha pa lesa mas.
“For di chikitu mi tabata gusta ekspresá mi mes pa medio di aktividatnan artístiko manera baila, kanta, aktua i skibi. Loke mi ta gusta mas tantu ta skibi poema. Spesialmente usando e dushi idioma Papiamentu”.
Scroll To Top
