Blow Mr. Bubba…blow!
08/10/2021
Autora di buki pa mucha y ilustrador, Irmgard Frans, a trece mas aventura pa mucha riba mercado den su buki nobo titula ‘Blow Mr. Bubba…blow!’. Irmgard Frans ta comparti mas recuerdo di su hubentud por medio di e dos muchanan Bella y Edwin, poco mal mucha, alegre, buscando pa ter meneer Bubba pa nan por hari te lora abou.
Irmgard ta trahando pa basta tempo caba riba un serie di Edwin y Bella. Esaki ta su di 15 publicacion. Na aña 2010 el a publica su prome buki cu e titulo ‘En ik droomde…’. Na aña 2013/2014 el a traha e prome serie di buki di comics local na Papiamento di ‘Bella y Edwin’. E serie aki ta consisti di 12 buki den forma di un acordeon. Irmgard a publica su buki ‘ De Griezelkriebel / E Griezelkriebel’ na 2017.
E buki ‘Blow Mr. Bubba…blow!’ ta pa muchanan di 8 aña bay ariba y ta na Ingles. Y ta obtenibel na e librerianan local y tambe cerca e autora mes via su pagina riba Fb, The Nick shap. Mucha por fia e buki na biblioteca.
Irmgard Frans a yega di contribui na Festival di Buki pa Mucha den pasado y ta gusta presenta den klas pa conta storia. Por tuma contacto cu Irmgard via [email protected]. ‘Blow Mr. Bubba…blow!’ ISBN 978-99904-69-65-3
Scroll To Top
